Os autores levarán as súas creacións á Tenda dos Libros de Ponteceso

<"> la voz < span>

Ademais de facer un oco no seu escaparate e nos seus estantes ás ultimas novidades literarias, A Tenda dos Libros de Ponteceso recibirá nos próximos días a algúns dos propios autores para que sexan eles mesmos os que as dean a coñecer ou ofrezan charlas e recitais.

O primeiro en pasar polo local, o venres da vindeira semana, será Carlos Callón, presidente da Mesa pola Normalización Lingüística e voceiro da plataforma Queremos Galego, que presentará a obra Como defenderes os teus dereitos lingüísticos, editada por Xerais. Unha semana despois, o venres 14, o profesor universitario, director do portal culturagalega.org e arqueólogo afeccionado, Manuel Gago, repasará a historia de Galicia na época de alta Idade Media cunha charla titulada República de homes libres.

E o venres 21, será o cabanés Óscar de Souto quen visite A Tenda dos Libros para ofrecer un recital poético e presentar un volume antolóxico no que colabora, Se lo dije a la noche.

As tres propostas terán lugar ás 20.30 horas e estarán abertas á participación do público en xeral.

Novidades de Xerais

Do mundo editorial, e máis concretamente de Xerais, tamén chegan algunhas novidades relacionadas coa comarca no marco dos seus lanzamentos para o outono e o nadal: Cita en Fisterra, do escritor coruñés Luis Rei Núñez, e outras dúas obras de dous autores moi vencellados coa Costa da Morte: O máis estraño, de Manuel Rivas, e Pan de ánimas, de Xoán Abeleira.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos

Os autores levarán as súas creacións á Tenda dos Libros de Ponteceso