«O boca a boca é o mellor xeito de chegar á xente»

ramón Rivera CARBALLO / LA VOZ

CARBALLO

A nova plataforma audiovisual leva case tres anos apostando pola libre creación de produtos no sector

25 ago 2011 . Actualizado a las 06:00 h.

Quen teña unha idea relacionada co audiovisual e non saiba que facer con ela pode achegarse ata a asociación Película Invertida. O baiés Víctor Mira é un dos seus socios fundadores.

-¿Que é Película Invertida?

-Un grupo de amigos quixemos facer cousas á parte das da facultade. Comezamos colaborando con máis xente e acabamos constituíndonos como asociación. É como un punto de encontro de xente con creatividade e que non ten os recursos ao seu alcance. Entre todos imos facendo colaboracións e creacións audiovisuais. Un banco de recursos para poder colaborar e prestarllos a outros. Poden ser traballos de fotografía, videocreacións ou para a Internet. Calquera cousa que abrangue o abano audiovisual.

-É unha asociación dende hai tres anos.

-Comezamos un grupo de Comunicación Audiovisual e agora somos 19 socios. Hai xente de todo tipo, case todos relacionados co audiovisual. Son de Ponferrada, Cataluña, Galicia... E Baio. Iso enriquece porque son puntos de vista diferentes.