A cantante Lucía Pérez (fala connosco acabada de erguerse da cama) está «encantada» de que Que me quiten lo bailao sexa unha das cancións deste verán. E tamén de que ela e o seu concello, O Incio, se coñezan alén das fronteiras galegas. De feito, a xente «pregunta pola miña casa cando vai alí», di. Lucía asegura que ao principio do verán non paraba de actuar por esta zona e ata pensou «en alugar un apartamento». O sábado vai estar en Malpica, entre outras cousas porque «me tratan moi ben na Costa da Morte, é unha xente moi próxima e a comida é boísima». Este ano non ten vacacións, «pero tampouco quero telas. Toca traballar e hai que aproveitalo».
-Comida e bebida.
-Gin tonic e ensalada de pasta, algo fresquiño.
-Praia favorita.
-A praia das Catedrais.
-Non sae da casa sen...
-Uns bos tacóns. Son imprescindibles.
-O mellor e o peor do día.
-O mellor é subirse a un escenario e o peor, erguerse cando levas poucas horas durmindo.
-¿Romarías ou verbenas?
-Romarías, teñen moito encanto.
-Gasta pista con...
-Hai poucas que me fixeron bailar, se cadra Danza Kuduro.
-No verán infórmase con...
-As redes sociais, non queda outra.
-A viaxe deste verán.
-De momento, nin idea.