«Asocio as vacacións a unha posición moi definida do corpo: a horizontal». Ao físico baiés Jorge Mira gústalle durmir e deitarse na praia durante o seu tempo de lecer, pero non vai sacar barriga porque, explica, «tento combinalo con paseos en bicicleta».
Para Mira, este ano significou o seu nomeamento como catedrático e a saída do seu primeiro libro, algo que «dá moito traballo, pero tamén satisfaccións». Está de vacacións dende o día 1, pero admite que ten dificultades para desconectar: «Internet é como unha bola de preso atada á túa perna». Afirma que, «por sorte», conserva o siso suficiente para non ter o correo no móbil, aínda que tentacións non lle faltan.
o verán de... jorge mira
-Comida e bebida.
-A ensalada da miña nai e auga do pozo.
-Praia favorita.
-¡Home! A de Laxe, por suposto.
-Non saes da casa sen...
-A hamaca que teño na azotea para ir á praia de Laxe.
-O mellor e o peor do día
-O peor é levantarse e o mellor estar tumbado na praia.
-¿Romarías ou verbenas?
-Romarías, gústame a herba.
-Gastas pista con...
-Rabiosa, de Shakira.
-De verán infórmaste...
-Co xornal en papel e o telediario das tres. Ás veces levántome xustiño para velo.
-A viaxe deste verán.
-De Baio a Laxe e de Laxe a Baio.