A maxia da poesía nas terras de Miranda


Celebramos este ano o nacemento de Álvaro Cunqueiro (Mondoñedo, 1911-Vigo, 1981), un dos más grandes escritores da literatura galega. Será, sen dúbida, un intenso ano de actividades relacionadas co polémico creador. E é que o controvertido autor, pai literario do mítico Merlín das terras de Miranda e do Sinbad dos mares do mundo que todos somos e levamos na memoria, recreou mellor que ninguén os trasuntos da duplicidade vital e creativa: por unha banda, na súa obra conviven a fantasía e a maxia ficcional que só desde a palabra pode ser concibida como algo propio da nosa percepción da realidade, e, por outra, o seu periplo vital, non sempre ben entendido, que o levou a ser considerado un autor pouco comprometido, malia se tratar dunha das voces máis sobranceiras da nosa tradición literaria.

Mais non é este o lugar de abordar a súa figura desde unha perspectiva analítica. O motivo último de convocar a Cunqueiro nestas liñas non é outro que reforzar a necesidade de volver á súa obra para descubrir a rabiosa actualidade das súas historias e constatar que a realidade e ficción están moito máis emparentadas do que adoitamos pensar.

De todo isto tivemos ocasión de falar en Mondoñedo un grupo de escritores e músicos do país. Convidados por Chus Amieiro, alá fomos Rosa Méndez, Xosé Leira, Rosa Martínez, Fran López, Tonhito de Poi e un servidor. A velada foi marabillosa, extraordinaria, tan inzada de maxia e fantasía que só nos mellores relatos do fillo do boticario poderiamos atopar semellanza comparable.

A liberdade, a palabra e a música fundíanse así, desde xa e para sempre, coa maxia e a ficción, co imaxinario todo. O fume da lareira do mago Merlín semellaba mesturarse co fume do tabaco dos asistentes a pesar da real ameza que supuña a nova lei Pajín. Mais a arte non sabe de decretos humanos nin de prohibicións e os versos, cando se transforman en misterioso feitizo, combaten a rutina, os desencantos, as desilusións da vida.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos

A maxia da poesía nas terras de Miranda