«Queremos que as conferencias teñan continuidade cada ano»


carballo |

O hotel Playa de Laxe estrea hoxe o Salón de Conferencias, unha sala habilitada para 70 persoas, con todos os equipos de imaxe e son precisos para acoller charlas con comodidade. Para a estrea haberá tres ponentes, Ricardo García Mira, Adina Dimitru e Jorge Mira. As portas abriranse ás 11.00 horas e o acceso é libre. Silvia Bouzas Martínez, con pais de Baizana e Fornelos (Zas), nacida na Coruña fai 36 anos e retornada á terra para traballar, é a directora dende que abriu, fai cinco anos.

-¿Que é que o que celebran hoxe?

-Iniciamos un ciclo que denominamos Apuntes para o coñecemento. Inauguramos o espazo Salón de Conferencias, no que queremos tratar sobre temas de interese e diversos, e con xente importante, persoalidades da Universidade ou vencelladas a ela, para facer propostas de discusión e divulgación social. E queremos que as conferencias teñan continuidade cada ano. Os temas serán variados: ecoloxía, psicoloxía, bioloxía, física...

-E hoxe, con tres profesores.

-Si. Ricardo García Mira, profesor de psicoloxía Ambiental da UDC, falará ás 11.15 horas sobre a transformación das actitudes en accións e como chegar a un comportamento humano máis sustentable. Tras un coloquio, ás 12.15, Adina Dimitru, profesora de Psicoloxía Social en Rumanía, tratará sobre a comunicación e a formación de estereotipos sociais. E, finalmente, ás 13.15, Jorge Mira, profesor de electromagnetismo da USC, falará sobre as curiosidades da ciencia.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos

«Queremos que as conferencias teñan continuidade cada ano»