Carballo: Empresas de Laxe, Carballo e A Laracha foron as galardoadas

Nos discursos houbo momentos para as anécdotas, a reivindicación e as críticas. Bieito Lobeira, moi aplaudido, acusou a Núñez Feijoo de «facer crer á xente que o galego non vale para nada», e por iso, engadiu, suprimen a proba de galego nas oposicións ou «prohiben» impartir en galego as clases de matemáticas, tecnoloxía ou ciencias. «Se nos mantemos xuntos, unidos e cos nosos principios, con nós -rematou- non pode ninguén».

Os responsables das asembleas do BNG de Carballo, Laxe e A Laracha e premiados en anteriores edicións entregaron as figuras da oleira Carmen Isabel coas que se recoñeceu este ano «a valentía» da taberna O Patacón, o Centro de Terapias Alquimia e o o Centro de Turismo Ecuestre O Ventoso por usar o galego.