Os premios Patria e Lingua recoñecen o traballo de tres empresas de Carballo, A Laracha e Laxe


carballo/la voz.

Dentro dos actos conmemorativos do Día da Patria, o BNG de Bergantiños ten prevista para mañá a entrega dos premios Patria e Lingua, que nesta edición recaeron en empresas de Carballo, A Laracha e Laxe. Os galardoados, en concreto, son a taberna O Patacón, o centro de turismo ecuestre O Ventoso e o centro de terapias Alquimia, respectivamente. O obxectivo, explica o responsable comarcal dos nacionalistas, Vítor Recarei, é recoñecer «o traballo daquelas empresas da nosa comarca que se distinguen por un uso normalizado do idioma galego», como son os tres casos.

O acto de entrega celebrarase mañá, ás 21.00 horas, no Pazo da Cultura de Carballo, no que intervirá o deputado no Parlamento de Galicia Bieito Lobeira, portavoz do BNG en materia de lingua. Tamén asistirán os representantes das empresas premiadas no 2009. Don Ordenador Solucións Informáticas, de Carballo; Bodegón Trincado, de Coristanco; Librería Torre Penedo, de Laxe, e A Escola da Rúa, de Carballo. No entanto, están convidados todos os veciños da comarca que queiran asistir.

Para os nacionalistas, os premios Patria e Lingua constitúen xa unha cita consolidada nos días previos ao 25 de xullo. Pero non é a única. Hoxe mesmo, militantes e simpatizantes da asemblea de Coristanco celebran na área recreativa da Rocheira a súa tradicional comida anual de confraterdade.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos

Os premios Patria e Lingua recoñecen o traballo de tres empresas de Carballo, A Laracha e Laxe