Fogar de Bergantiños convoca a elección dos seus premios


O salón de actos parroquial da igrexa San Xoán Bautista de Carballo acolle esta tarde a votación dos premios Carballés, Galego e Bergantiñán do Ano 2009 que concede o Padroado Fogar de Bergantiños.

Todas as asociacións da comarca están convocadas para asistir á elección. O acto comezará as 19,30 horas e é fundamental a presenza dos representantes de todas as entidades da zona.

Este ano os candidatos son 26 persoas ou entidades de distintos puntos de Galicia. A primeira lista estaba formada por 19 aspirantes, que foron seleccionados polos medios de comunicación e os concellos. A eles engadíronse outros sete, propostos polo tecido asociativo de Bergantiños.

Aspirantes

Entre os aspirantes a estes premios anuais hai cantantes, actrices, escritores, regueifeiros, empresas, asociacións e mesmo unha campaña publicitaria.

As entidades que acudan á reunión de este serán terán que decidir quén será o Carballés do Ano 2009 entre o filólogo e profesor Fernando Cabeza Quiles, o adestrador xa falecido José Luis Vara, o historiador Xan Fraga Rodríguez, a asociación Telón e Aparte, o humorista Rober Bodegas, a actriz María Tasende, o Casino de Carballo, o club de hóckey Escola Lubiáns e os Bombeiros Voluntarios.

Para bergantiñáns están nomeados o xinete larachés Manuel Añón, o filólogo Xosé Ramón Freixeiro Mato, o ciclista Manuel Verdía, os regueifeiros, José María Varela, da asociación Monte Branco, o escritor José Antonio Pet Posse, o Restaurante As Garzas, o Grupo Campo e o estudoso Luciano García Alén.

No capítulo dos mellores galegos do ano pasado, os medios de comunicación, os concellos e as entidades da comarca elixiron á cantante Luz Casal, os actores Luis Tosar e María Castro, as Bodegas Condes de Alvarei, o cardiólogo Alfonso Castro Beiras, a campaña Vivamos como galegos de Gadisa, a plataforma Queremos Galego e a filántropa Rosalía Mera.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos

Fogar de Bergantiños convoca a elección dos seus premios