«Os aparellos de buceo e pesca submarina véndense máis no verán»


A pesca en Muxía é o pan de cada día. Dela viven non só os mariñeiros senón tamén os que venden os artiluxios precisos para levala a cabo. A actividade vaise diversificando e as especificades van sendo cada vez máis. Un exemplo: a pesca deportiva. Para os que a practiquen, Humberto Muíño Conde rexenta na localidade un comercio que el mesmo denomina «ferretería naval». Aínda que tiña familia no lugar de Frixe, el naceu e criouse en Suíza ata os 22 anos.

-¿A súa é unha tenda de pesca deportiva?

-Digamos que é unha ferretería, pero especializada no sector do mar. Podería dicirse que é unha ferretería naval. Á marxe dos produtos típicos dese negocio, logo teño artiluxios de buceo, pesca submarina e todo tipo de material náutico.

-¿Hai unha forte demanda deses produtos en Muxía?

-A pesca é unha parte moi importante da vila. Os artiluxios de buceo ou pesca submarina son, logo, especialmente demandados no verán, por exemplo: hai bastante afección.

-¿Foi por iso polo que decidiu abrir o negocio nesa localidade?

-Está aberto dende hai uns tres anos e, como tiñamos aquí un local, pois foi por iso. Tamén axudou a promesa de que Muxía contará cun porto deportivo, só que como o proxecto se retrasa algo, entón fun diversificando o negocio. Cando se constrúa definitivamente, tal vez iso lle dun maior empuxe á venda destes produtos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos

«Os aparellos de buceo e pesca submarina véndense máis no verán»