«Savater está en primeira liña»

JOSÉ ANTONIO VIÑA, DIRECTOR DO IES ALFREDO BRAÑAS


José Antonio Viña Patiño exerce como anfitrión do filósofo Fernando Savater, que hoxe acude a un encontro cos alumnos do instituto Alfredo Brañas de Carballo.-Ter no instituto a unha persoa como Fernando Savater non debe ser fácil.-É todo un luxo ter a Fernando Savater aquí. Son esas casualidades que se producen moitas veces, xestionadas por antiguos alumnos, por certo, deste instituto. Neste caso, dun antigo alumno que agora vive aquí en Carballo e que se chama Santiago Pazos, que é amigo personal de Fernando Savater. Acude por cuestións de amistade personal, e ademais é unha persoa encantada de falarlle ós xoves.-¿E de que vai falar?-Vén falar de ética, que é o seu. A figura do filósofo que é Fernando Savater, que é importantísima nos últimos quince ou vinte anos, cunha obra filosófica moi transcendente, moi lida... está sendo un pouco eclipsada polas súas circunstancias personais, porque debido á súa coherencia vese no que se ve, ameazado, etc. Pero, fundamentalmente, Savater é un filósofo e un profesor, e desde logo ó instituto vén falar de ética e vén debatir cos alumnos de primeiro de Bacharelato e COU.-Pero non se pode esquecer que é voceiro da plataforma «Basta ya».-Esta inmundicia do terrorismo, porque non ten outro nome, ten que acabar aflorando necesariamente, eu creo que tanto que fora Fernando Savater como que fora outra persoa; pero dáse a casualidade de que el está en primeira liña neste momento nesa plataforma Basta ya. Pero, efectivamente, non ten nome que non se poidan defender as ideas nun país democrático.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

«Savater está en primeira liña»