Adam Barreiro: «Despois de xogar en Palmeira, A Tasca é un luxo»

Motivos persoais e as gañas de voltar a xogar cos amigos, levárono de volta para o Xuventú Aguiño

Barreiro, durante un partido co Ribeira
Barreiro, durante un partido co Ribeira

Adam Barreiro (Ribeira, 1992) deixou A Fieiteira para regresar ao campo da Tasca. El é un dos xogadores que fai unha semana fíxose viral no épico Palmeira-Aguiño. Este domingo, fronte ao Oleiros, firmou un gol e unha asistencia, claves para que o seu equipo lidere a competición en Terceira Galicia.

-Que o levou a deixar o Ribeira?

-Foi un cúmulo de varias cousas, motivos persoais, gañas de xogar cos amigos... Preferín cambiar de aires.

-Está contento co cambio?

-Sí, xogar cos colegas sempre é algo que che gusta. Ao final xogamos a isto para pasalo ben.

-Pero segue de cerca a actualidade do seu último equipo?

-Si, claro. Cos compañeiros non tiven nunca ningún problema, todo o contrario.

-Espera que o Ribeira manteña a categoría?

-Si, si, iso sempre. Oxalá gañaran tódolos partidos de aquí ao final da tempada. Sería unha boa noticia para todos.

-E co Aguiño agora que lles toca? Pelexar polo título?

-É a nosa meta, pero tamén queremos pasalo ben.

-Gañáronlle con solidez ao Oleiros na Tasca. A pesar do vento e da choiva fixeron un bo partido.

-Estivemos ben, pero era o que lle dixen ao adestrador: despois de xogar en Palmeira, A Tasca é un luxo. Facía anos que non xogaba nun campo coma Ventín.

-Con mal tempo, Ventín é así.

-Está claro, aínda agora non sei como conseguimos empatar. A culpa é do árbitro por permitirnos xogar. Despois dicíanos que non vía as liñas do campo. Non era que non se viran, é que xa nin as había!

-Fixéronse virais por internet.

-Quedándome o balón no medio da charca [ri].

-Foi un debut atípico.

-Dimo a min!

-E agora cal é o seguinte paso?

-Temos que visitar ao Son. É un partido complicado, polo que me dixeron é o equipo que mellor xoga da liga. Propoñen bo fútbol, pero temos o reforzo de Pol, que nos fai falla en ataque.

-Contra o Oleiros estivo vostede de dianteiro.

-Estaba Cadórniga, e eu un pouco detrás del, con liberdade.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Tags
Comentarios

Adam Barreiro: «Despois de xogar en Palmeira, A Tasca é un luxo»