Néstor Rego pecha a campaña en Ribeira defendendo a presenza do BNG en Madrid

Afirmou que os nacionalistas defenderán de xeito especial o sector pesqueiro


ribeira

Dar voz a Galicia en Madrid foi a baza que xogou o candidato do BNG pola Coruña, Néstor Rego, no acto de peche de campaña que os nacionalistas celebraron onte no Liceo Marítimo de Ribeira. Rego pediu o voto para a súa formación co obxectivo de «facernos valer como país no Congreso». Neste sentido, afirmou que o Bloque ten que estar novamente na capital de España para evitar, por exemplo, que se elaboren uns orzamentos como os pactados polo PSOE e Unidas Podemos, que destinan a Galicia unha cantidade tres veces máis baixa que a do 2009, «cando dous deputados do BNG eran determinantes para a súa aprobación».

O candidato ao Congreso tamén fixo referencia ao mar e a pesca. Rego destacou que os nacionalistas defenderán de maneira especial este sector «fronte políticas nocivas que se deseñan en Bruxelas ou Madrid, e que levan á redución e destrución da nosa capacidade pesqueira». Referente a esta cuestión, Néstor Rego declarou que «as decisións non se poden tomar a seiscentos quilómetros mar adentro».

Presenza da comarca

No acto de peche de campaña, o candidato pola provincia estivo arroupado polo portavoz do BNG en Ribeira, Xosé Vázquez Cobas; o edil ribeirense Luís Pérez Barral, o alcalde de Rianxo, Adolfo Muíños, e pola candidata ao Senado Tereixa Novo.

Quen non puido estar presente pero quixo mostrar o seu apoio foi o actor Quico Cadaval. O ribeirense enviou un vídeo que foi proxectado no salón do Liceo Marítimo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Tags
Comentarios

Néstor Rego pecha a campaña en Ribeira defendendo a presenza do BNG en Madrid