Os Liantes e Traspés gañan o Interritmos

As formacións musicais de Ribeira e Vigo actuarán no Festival da Luz que se celebrará en Boimorto en setembro


A Porta do Sol de Ribeira converteuse a pasada fin de semana nun gran escenario que acolleu a terceira edición do Festival Interritmos, no que participaron un total de dez agrupacións de música e baile procedentes de toda Galicia, e que finalmente gañarían os ribeirenses Os Liantes e os vigueses Pandereteiros Traspés. A gala, que está impulsada polo programa Leader de Desenvolvemento Rural de Galicia -xestionado pola asociación Deloa-, tivo como presentadora a Belén Xestal, que foi dando paso a cada un dos concursantes, que dispuxeron dun máximo de catro minutos para actuar.

Non o tiveron nada doado os membros do xurado, que se atoparon con serios problemas para seleccionar aos cinco finalistas, que foron O Baile do Retranqueiro (Ames), Aldomir (Teo), Retranqueiras (Ames), Os Liantes (Ribeira) e Pandereteiros Traspés (Vigo). Todos eles terán dereito á gravación dun tema e un vídeo promocional.

Ademais, este dous últimos grupos foron os gañadores deste ano do concurso Cultivando Música, e como premio actuarán no Festival da Luz que terá lugar en Boimorto os días 7 e 8 de setembro.

Xurado

Á hora de seleccionar aos finalistas os membros do xurado tiveron moi en conta «a técnica empregada, a voz, o ritmo da actuación, a posta en escena, así como a interese dalgúns grupos por innovar dentro da tradición», apuntaron desde a organización do certame.

Tamén quixeron aplaudir o gran nivel de todos os participantes nesta edición.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Os Liantes e Traspés gañan o Interritmos