O barro


penúltimo relator do sexto Foro de Rehabilitación esclareceu moitas dúbidas sobre a saúde e a arquitectura, que moitos de nós xa sospeitabamos e intuïamos. A triste realidade é que as casas que construímos neste século son culpables de moitas das enfermidades que padecemos, e ninguén quere abrir esa liña de investigación porque quen moven o mundo son multinacionais que viven de que nós enfermemos.

As casas están cheas de produtos tóxicos, son herméticas e impermeables. Estas tres condicións favorecen que pasemos enfermos gran parte da nosa vida. Comezando polo vidro, que cando era simple atraía o vapor de auga da respiración e non impregnaba nas paredes. Seguindo polas pinturas e vernices, que, ademais de ter compoñentes químicas, non deixan transpirar o ambiente e favorecen altas doses de humidade no interior, as 24 horas do día. Non falemos das instalacións eléctricas que colocamos a carón do cabeceiro da cama, que irradian toda a noite correntes ao noso cerebro, nin as carpintarías tan estancas que non nos deixan respirar máis que o radon que se nos coa na casa.

Levamos 50 anos construíndo mal e non queremos cambiar porque nos dá medo volver ao pasado, namentres nos países nórdicos levan 50 anos construíndo coma antes. A restauración de casas antigas e a construción de novas con barro en vez de ladrillo e cemento pódennos proporcionar 20 anos máis de vida saudable, porque o barro e o cal absorben as humidades que producimos ao respirar e cociñar, evitando as condensacións, mantendo unha humidade do 55 % no interior, previndo así enfermidades.

Por Carlos Fernández Coto

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
9 votos
Tags
Comentarios

O barro