David Parada: «Este ano fomos moi regulares»

O seu equipo, o EFM Boiro, vén de ganarlle ao Chispa, líder ata ese momento invicto na categoría


David Parada (Rianxo, 1983) atópase no mellor momento da tempada. O seu equipo, o EFM Boiro, vén de ganarlle ao Chispa, líder ata ese momento invicto na categoría. Sen botarse flores, recoñece que queda moito por diante e que As Miúdas e o Aguiño pelexarán ata o final.

-¿Como vai a tempada?

-Mellor do esperado, non pensei que poderíamos estar tan arriba. O obxectivo era o cuarto ou o quinto posto, e xa sería un bo ano. Agora estamos no segundo e defenderémolo ata o final.

-¿Que pasou ante o Chispa?

-Foi un día moi completo. Saíunos todo ben e contamos coa sorte necesaria para gañar. Elas apertaron na recta final, tiveron moitas ocasións de gol, pero as nosas xogadoras traballaron moito.

-¿Tan bo é o Chispa?

-É un equipo doutra liga. Eu xa pensaba que non ía perder en todo o ano. Levan moito tempo traballando xuntas e creo que non terán problemas para manter a categoría en primeira.

-¿Non as collerán?

-Vexo complicado que volvan a perder outro encontro. Nós teremos que pelexar cas Miúdas e co Aguiño. Son dos grandes rivais, con calidade e con moita intensidade. Este ano fomos moi regulares, pero nos enfrontamentos directos puido gañar calquera.

-¿Que saúde ten o fútbol feminino na comarca?

-Eu creo que moi boa e iso que levo bastante neste mundo como axudante. Ata este ano non collera un equipo dende o principio e nótase moito a melloría. Como siga así, dentro de varios anos en Galicia haberá un nivel moi alto. Antigamente era moi difícil ver unha rapaza nun equipo de nenos, mentres que agora é complicado ver un equipo de rapaces sen ningunha nena.

-Ten razón.

-Iso si, penso que as rapazas deberían pasar a un equipo feminino en infantís. É máis fácil á hora de integrarse. Cando son pequenas adáptanse rápido, a pesar de haber moitas idades diferentes.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Tags
Comentarios

David Parada: «Este ano fomos moi regulares»