Laura Gómez: «Non quero que ninguén me poña barreiras»

Este ano, como dianteira, é a pichichi, con dez tantos en cinco xornadas


Laura Gómez Abuín (Rianxo, 1996) é unha das almas do Unión feminino. Foi grazas á súa insistencia e perseveranza que o conxunto viu a luz hai tres tempadas. Disposta a xogar onde o técnico a precisara, chegou incluso a poñerse baixo paus. Este ano, como dianteira, é a pichichi, con dez tantos en cinco xornadas.

-Como está vivindo o arranque da competición?

-Está sendo algo difícil. Tratamos de facelo o mellor posible. Non nos poñemos como meta subir de categoría. Queremos adaptarnos e aprender. Hai xente que comezou de cero e iso leva tempo; teñen que adaptarse.

-Non foi o seu caso. Está en plena racha goleadora.

-[Ri] No equipo somos dúas rapazas as que xogamos ao fútbol dende nenas e temos que levar o peso. Non tiñamos unha competición na que xogar e decidimos crear un conxunto. Tivemos anos malos, pero abrímoslle as portas a calquera que lle guste este deporte. Non hai demasiada xente que teña esa iniciativa, menos no fútbol feminino.

-Xogou sempre no Unión?

-Estiven ata alevíns. Logo deixei un ano. Sempre me gustou este deporte e volvín. Pensei que podiamos facer algo.

-Non lle vai nada mal. Contra o Bamio marcou seis tantos.

-Hai que adestrar moito. Póñome moi nerviosa diante da porteira. Dinme que fallo moitos goles [ri]. Teño que pararme máis e pensar. Coas faltas, pásame igual. Nos adestramentos métoas, nos partidos non me atrevo.

-Sentiuse discriminada por ser muller nalgunha ocasión?

-En ocasións sempre metían antes aos rapaces, xogase ben ou mal. Eu xogo ao fútbol por min, non quero que ninguén me poña barreiras.

-Parece que o fútbol feminino goza de boa saúde na comarca.

-Semella que si. Creáronse moitos equipos, como é o caso do Carreira ou o noso. Nós tivemos que adaptarnos, eramos poucas no equipo, pero agora xa somos un grupo máis consolidado.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Tags
Comentarios

Laura Gómez: «Non quero que ninguén me poña barreiras»