Era a viúva do doutor Antonio Baltar e filla de Eduardo Dieste, un dos irmáns maiores do literato
02 feb 2015 . Actualizado a las 05:00 h.Rianxo dará cabida hoxe, ás cinco da tarde no cemiterio parroquial, ao enterro das cinzas de Mireya-Magdalena Dieste Fernández, sobriña do ilustre escritor Rafael Dieste. Mireya-Magdalena, que residía en A Coruña, estaba a piques de cumprir os cen anos, xa que nacera en maio do 1915.
Esta muller era filla de Eduardo Dieste, un dos irmáns maiores do autor Dos arquivos do trasno. Dado que seu pai era diplomático, viviu en distintos países. Falaba varios idiomas, era amante da música e sempre estivo ligada aos círculos culturais. Era a viúva do doutor Antonio Baltar. Persoas que a coñeceron lembran que se sentía próxima a Rianxo, un municipio onde pasou parte da infancia. Seu pai foi un dos fundadores de El barbero municipal.