Óscar García Ramos gaña o certame de poesía Francisco Añón de Outes

O noiés Manuel López conseguiu o accésit, compartido coa viguesa Bea Saiáns


O veciño de Bergondo Óscar García Ramos fíxose co máximo galardón da vixésimo cuarta edición do certame Francisco Añón de Outes polo seu poemario Efectos fenotípicos do capitalismo. O xurado destacou a presenza dunha voz culta e intelectualizada en equilibro co xogo de referencias surrealistas no que se moven os versos. Desde o punto de vista do contido, salientou o tratamento que se fai do tema do espello desde moi diversas ópticas e o xogo mitolóxico.

Tamén na categoría estrela, a de maiores de 18 anos, o xurado decidiu conceder un accésit compartido entre a viguesa Bea Saiáns, por Se tivera un pau e gasolina e unha amiga, e un chisqueiro; e o noiés Manuel López Rodríguez, polo traballo CL. Deste poemario, destacouse a vontade de estrutura no libro, a idea da viaxe e a relación dialéctica que se establece.

Nas categorías restantes, os premios desta edición do certame promovido polo Concello de Outes, cuxo fallo se demorou nesta ocasión debido á pandemia, os galardoados foron: Tiago de Blas Sánchez, de Brión; Kiara de Blas Sánchez, de Brión; Mencía Domínguez Iglesias, de Ames; Noa de Blas Sánchez, de Brión; e Sandra Rodríguez Macía, de Chantada.

O xurado estivo nesta ocasión formado por Consuelo Gundín, profesora de Lingua e Literatura; Oriana Méndez, filóloga e poetisa; Ismael Ramón, escritor e filólogo; e Eva María Teijeiro, profesora de Lingua e Literatura e coordinadora do club de lectura da Casa Museo Manuel María.

O acto de entrega dos premios, así como a presentación do libro que recolle os poemas gañadores da pasada edición do certame, queda de momento aprazado por mor da pandemia.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Óscar García Ramos gaña o certame de poesía Francisco Añón de Outes