Brais Sánchez, voz de Momboi: «Xogamos a soar coma unha gran banda latina sendo un grupo de rock clásico»

Uxía Carrera Fernández
UXÍA CARRERA LUGO / LA VOZ

NOIA

La banda de Noia abre este viernes el FIV a las 18.00 horas

16 sep 2021 . Actualizado a las 05:00 h.

O grupo de Noia, Momboi, estréase mañá no FIV buscando aportar un son diferencial e conquistar co seu directo. Esta banda galega leva apenas dous anos formada e, a pesar da pandemia, conseguiu un oco nun dos festivais referentes de Galicia.

—Como comezou o grupo?

—Todos tocábamos en distintos grupos da zona así que tiña que acabar pasando que nos xuntáramos. Gustábanos a todos a idea e estabamos moi motivados para formar o grupo así que foi todo moi natural. Eu ademais xa tiña algunha idea previa e pezas compostas e o resto dos membros uníronse.

—Soades a ritmos latinos.

—Si, bebemos moito dos ritmos latinoamericanos. Somos unha batería, baixo, guitarra, teclado e voz pero gústanos xogar a soar coma unha banda latina, que soen ser grupos grandes con arranxos impresionantes. Igual para tanto non da, pero meter ritmos sudamericanos nunha formación de rock clásico está moi guai. Queremos xogar a facer outra cousas, facer unha chacarera ou unha rumba, que molan tanto como facer un blues.