ribeira / la voz

Hai catro anos, a maxistrada Lorena Tallón ditaba a primeira sentenza en galego no partido xudicial de Noia, un feito histórico que onte quixo lembrarse cunha placa conmemorativa que se colocou no edificio dos xulgados noieses. O acto, impulsado pola Asociación de Funcionarios para a Normalización Lingüística, estivo presidido polo secretario xeral de Política Lingüística, Valentín García, quen gabou o traballo dos que se «esforzan día a día para que as persoas galegofalantes que chegan aos xulgados se decatan inmediatamente de que o seu idioma é benvido e que poden empregalo con total liberdade e garantías».

Pola súa banda, Lorena Tallón lamentou a «anomalía que vive o galego e que aínda persiste no tempo», en clara referencia a que a Constitución establece a cooficialidade das dúas linguas. «Hoxe, 40 anos despois, non fomos quen de superar esta situación de diglosia, pese aos esforzos que se realizaron tanto dende colectivos privados como dende a propia Administración».

Pasos positivos

O alcalde noiés, Santiago Freire, falou en nome dos tres concellos do partido xudicial e recoñeceu que queda moito camiño por andar para conseguir que o uso do galego estea máis normalizado.

«Agora estamos traballando para que as policías locais realicen as súas denuncias e o seu traballo tamén en galego. Todos os pasos que demos nese sentido serán positivos», apuntou o rexedor nun acto no que tamén participou Xoaquín Monteagudo, presidente da Irmandade Xurídica Galega, e os letrados Tania Castro e Jacob del Río.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Tags
Comentarios

A xustiza tamén se escribe en galego en Noia