Loito en Muros polo fútbol de pago


Puede enviar sus textos a redac.barbanza@lavoz.es

S emella que hai unha enorme tristeza porque as xornadas futbolísticas do Celta se celebren en Carnota e non en Muros. Semella que unha mágoa inunda algunhas conciencias porque sexan outros os que paguen por unhas xornadas, usando instalacións municipais que son de todos, e a uns monitores que non van aportar nada que non lle esteamos dando os que traballamos durante anos o deporte base gratuitamente e sen excluír a ninguén. Que tristeza ver como os falsos solidarios e demócratas inundan de xurro as redes sociais por non permitir facer negocio nas nosas instalacións e a costa dos nosos rapaces, fomentando así o deporte de pago e impedindo participar aos que non poden pagar. Todos debemos ter os mesmos dereitos, e máis aínda os menores. Mágoa que veñan ensinarnos a facer o que xa sabemos, pois levamos 17 anos traballando sen descanso e con moitas dificultades a pesar da pouca axuda que tivemos ata agora dende a administración local.

Non se foi ás redes sociais cando se trouxeron os cursos de monitor de fútbol base e UEFA B asumindo un enorme gasto, porque apostamos pola formación de adestradores e sempre se quixo o mellor para os nosos rapaces. Cando nos últimos anos non se recibiu ningún tipo de axuda por parte do Concello, a pesar de que lles sobraba a información das necesidades. Cando se celebraban os partidos de Cáritas e a E. D. Os Miúdos aportaba o que tiña na súa caixa. Debemos ter un defecto de forma na percepción de sentimentos.

Cando se impulsaban as finais de fútbol sala para os concellos da comarca e corríase cos gastos, mentres o Concello só aportaba a presenza da máxima autoridade, agás no último ano de mandato que pagaron trofeos e medallas. Dicir que se apoia o fútbol feminino, cando en catro anos das nosas rapazas só se aportaron mil euros para buses, facendo enormes sacrificios para pagar o resto de necesidades.

É lamentable que nos preocupemos polos que veñen de fóra, cando deberiamos facelo polos que traballan o deporte para todos. Isto e outros problemas meirandes que temos non se ven, mais saímos denunciar a suposta censura da Burla Negra. Criticar ao grupo de goberno ou ao concelleiro de turno paréceme perfecto, pois a oposición está para controlar, pero sería mellor buscar outro motivo para este fin. Mellor sería denunciar as carencias e problemas reais que ten Muros, que son moitos. Recesvinto Tajes Sendón. Muros

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
6 votos
Comentarios

Loito en Muros polo fútbol de pago