As brigadas deseucaliptizadoras volveron ao monte de Froxán

Unha trintena de voluntarios eliminaron árbores invasoras e plantaron especies autóctonas


Noia

Despois do intenso traballo desenvolvido ao longo deste ano, as brigadas deseucaliptizadoras quixeron realizar unha última actividade en Froxán antes de despedir o 2019. O monte de Lousame, que ten un recoñecemento do programa ambiental das Nacións Unidas, recibiu esta mañá a visita dunha trintena de voluntarios que se empregaron a fondo para retirar eucaliptos e outras especies exóticas invasoras.

A actividade das brigadas terá continuidade no vindeiro exercicio. De feito, os participantes na xornada tamén se dedicaron a preparar e acondicionar o acceso a unha zona na que está previsto actuar nos vindeiros meses para a retirada de acacias. Hoxe, ademais de eucaliptos, elimináronse tamén mimosas.

A maiores, realizouse unha nova plantación de especies autóctonas. En concreto, reforestouse o monte de Froxán con ameneiros, carballos e freixos.

Despois do duro traballo desenvolvido ao longo da mañá, os brigadistas puideron repoñer forzas cun xantar popular que se celebrou na mesma zona.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Tags
Comentarios

As brigadas deseucaliptizadoras volveron ao monte de Froxán