Raúl Pimentel: «Baixou coa brétema e despois atoparon os cachos pola horta»


Raúl Pimentel Batalla é un lousamián afeccionado á gandería que conta con ovellas e vacas que padeceron o ataque do lobo. No 2017, este mozo de 28 anos deixou as reses pastando ao lado da súa casa -dormen pechadas- e despistouse ata a caída da noite. Cando regresou atopouse cunha ducia de exemplares ovinos mordidos e mortos: «Mesmo levou unha cría un pouco máis lonxe, pero acabou abandonándoa e só lle comeu o fígado».

Con todo, Raúl Pimentel ten moi claro que el non é o principal afectado na zona de Xestoso, senón os profesionais deste sector. Polas mesmas datas que viviu o incidente na súa explotación, un veciño perdía outras dúas ovellas, mentres que outra escapou para a súa leira. «Baixou coa brétema e despois atoparon os cachos pola horta adiante», anotou. Días despois, unha veciña viu como unha loba preñada saltaba á súa leira, ás cinco da tarde, aínda que logo fuxiu.

O certo é que os temores a novas incursións deste animal en Lousame renováronse despois de que un veciño vise o pasado mércores a un exemplar no acceso á planta de reciclaxe de Servia.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Tags
Comentarios

Raúl Pimentel: «Baixou coa brétema e despois atoparon os cachos pola horta»