As brigadas deseucalitizadoras de Verdegaia desenvolveron en Campo de Lamas a súa última actividade deste ano

A acción posta en marcha pola entidade extendeuse a outros colectivos galegos e a persoas que actuaron a título individual, e teñen previsto volver o 12 de xaneiro, para traballar no monte de Amoedo, en Pazos de Borbén


RIBEIRA / LA VOZ

Esta fin de semana, as brigadas deseucaliptizadoras de Verdegaia deron por finalizada a campaña deste ano cunha intervención no Campo de Lamas, que se atopa en terreos da comunidade de montes de Froxán, municipio de Lousame. Que a actividade se desenvolvese neste lugar ten que ver co recoñecemento polas Nacións Unidas como espazo ben xestionado e porque tamén foi aquí onde tivo lugar a primeira actividade deste grupo para eliminar manualmente especies árbores alóctonas.

Os brigadistas foron convidados a un albaroque, ao final da xornada, momento no que se aproveitou para facer un balance das experiencias vividas ao longo do ano. Moitos dos asistentes explicaron que a actividade lles reportou «unha satisfacción persoal que non lles produciría una mera protesta contra a realidade forestal galega, xa que traballando no monte temos a sensación de estar facendo algo realmente válido de cara ao futuro».

Dende a organización fíxose constar que esta actividade posibilitou actuar de forma proactiva a persoas inquedas pola degradación do monte e ante «a frustración que provoca o desleixo co que desde a Administración se trata o noso patrimonio natural».

Explican, por outra banda, que durante o ano foi aumentando o número de brigadistas ao amparo de Verdegaia, a título persoal ou con outras entidades, e anuncian que volverán o 12 de xaneiro, no monte de Amoedo, en Pazós de Borbén.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos
Comentarios

As brigadas deseucalitizadoras de Verdegaia desenvolveron en Campo de Lamas a súa última actividade deste ano