Nun posto que hoxe se instalará no mercado, os veciños poderán facerse co exemplar que desexen
03 may 2018 . Actualizado a las 05:00 h.Hoxe • Praza da Solaina (O Pindo, Carnota) • De 11.00 a 13.00 horas • Unha solta de libros abrirá en Carnota o programa de actividades promovidas polo Concello para festexar o mes das letras por excelencia. Nun posto que se instalará no mercado, os veciños poderán facerse co exemplar que desexen. Trátase de obras que proceden dos excedentes e das baixas da biblioteca municipal.
Esta será a primera actividade do programa cultural deste maio, pero non a única. Para o vindeiro mércores (casa consistorial, 17.30 horas) hai previsto un espectáculo de narración oral e música en directo a cargo de Fabaloba e Luís Prego, titulado Un bico para alí. A iniciativa está dirixida a nenos de 0 a 6 anos e requírese inscrición previa.
O día 17 será o contador Pablísimo o que desembarque na localidade (casa consistorial, 17.00 horas) para agasallar aos nenos cunha boa ración de entretidas historias. Neste caso, a entrada será libre e sen inscrición.
Función de Talía
A compañía Talía recalará en Carnota o día 25, para presentar Bicos con lingua, unha comedia que convida ao público a reflexionar sobre os usos e abusos da lingua galega. E o 29, Trinke Trinke chegará cunha montaxe para os bebés: Paxariños. Neste caso, como o número de prazas é limitado, as familias interesadas en acudir deberán anotarse previamente na casa consistorial.
A programación cultural deste mes concluirá en Carnota o 27 cunha camiñada popular, unha ruta de sendeirismo de 11 quilómetros polos muíños de Vadebois, Panchés e A Curra. Para participar é preciso inscribirse e o prazo para facelo rematará o vindeiro 21.