Nacho Dieste: «Dende o primeiro partido, traballamos un fútbol colectivo, de toque e posesión»

O adestrador do Xuventú Aguiño femenino analizou o estilo de xogo colectivo co que queren marcar a diferenza


Ribeira / La Voz

Este é o primeiro curso do técnico Nacho Dieste (A Pobra, 1984) ás rendas do Xuventú Aguiño feminino, que ocupa a terceira praza de Segunda Galicia. Dieste, que no pasado destacou adestrando a conxuntos como o Crocha e o Boiro, analizou o estilo de xogo colectivo co que queren marcar a diferenza.

-¿Cal é o resumo deste inicio da tempada para o Aguiño?

-Gañamos sete partidos e perdemos un en Muros. Estamos xogando ben ao fútbol, con presión de balón, non hai patadón, pero temos que seguir avanzando e progresando pouco a pouco.

-¿Que metas se marcaron?

-Queremos xogar ben, porque o vital é ser vistosos para o público. Estar arriba e ascender é importante, pero temos que amosarlle ao espectador que somos capaces de combinarnos entre nós. Así, ao final de tempada veranse os logros colectados.

-¿Como definiría o potencial do conxunto que dirixe?

-Trátase dunha mestura entre a veteranía e a xuventude. A base do equipo son persoas que levan moito tempo, pero despois contamos con rapazas que aportan o seu necesario grao de area. Hai equipos moi mozos que non teñen esa pausa e ese control que da a experiencia. Por exemplo, Alitas pode que sexa a mellor xogadora da liga, xunto con Mon e Carmen que aportan moitísimo.

-¿A quen hai que temer?

-O Chispa é o máis forte, gañaron todo. Tamén imos empatados a puntos con As Miúdas, pero superáronnos en Muros.

-¿Está a ser o arranque de liga que se esperaba?

-O ano pasado vira un encontro delas e sabía que había potencial. Estou contento coa actitude e co xogo, van asimilando conceptos e tácticas. Dende o primeiro partido, traballamos un fútbol colectivo, de toque e posesión. Queremos un equipo compacto, no que subimos todas e baixamos todas, con variacións de xogo en curto e en largo, sen deixar o peso a unha soa persoa.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Nacho Dieste: «Dende o primeiro partido, traballamos un fútbol colectivo, de toque e posesión»