Aplazada a quinta Carreira Solidaria Móvete pola Diabetes ao 24 de xullo
A POBRA DO CARAMIÑAL
A carreira na Pobra do Caramiñal manterá as inscricións abertas ata dous días antes da cita
08 jul 2026 . Actualizado a las 11:56 h.A quinta Carreira Solidaria Móvete pola Diabetes, programada inicialmente para o 10 de xullo, finalmente terá lugar o venres 24 de xullo na Pobra do Caramiñal. A cita está organizada polo Concello, Anedia, a Asociación de Atletismo e Deportes do Barbanza e a Federación Galega de Atletismo, cunha participación aberta tanto para atletas federados como non federados.
O programa desenvolverase según o previsto, co inicio ás 20.00 horas nas diferentes categorías dende sub-6 ata máster, incluíndo tamén a de zapatilla inclusiva. A saída estará situada na rúa Fernández Albor e a meta na praza Alcalde Segundo Durán.
Con motivo do aprazamento, o prazo de inscripción permanecerá aberto ata o 22 de xullo ás 14.00 horas, a través da web carreirasgalegas.com. A participación é gratuíta en tódalas categorías menos na absoluta, na cal o prezo é de 8 euros. Os dorsais poderanse recoller na praza Alcalde Segundo Durán ata media hora antes do inicio de cada carreira.
Toda a información estará dispoñible na páxina web municipal apobra.gal, incluíndo o regulamento e o acceso ás inscricións.