A exposición poderá visitarse ao longo de todo o mes
06 jun 2021 . Actualizado a las 13:15 h.As paredes da casa de cultura pobrense están estes días engalanadas cunha serie de traballos realizados por alumnos do Fernández Varela, o Monte Carmelo e as unitarias de Vilariño, A Granxa e A Angustia. Trátase de siluetas de Xela Arias, escritora homenaxeada polo Día das Letras Galegas, que foron tratadas polos nenos mediante a aplicación de diferentes técnicas plásticas.
A exposición permanecerá aberta no edificio Raquel Fernández Soler ao longo de todo este mes. Os veciños poderán visitala de luns a venres, de 10.00 a 13.00 e entre as 17.00 e as 20.00 horas.