O instituto da Pobra logra o premio á innovación polo traballo «21 días co galego»

A iniciativa busca achegar aos rapaces ao idioma autóctono

la voz

O proxecto 21 días co galego do instituto da Pobra logrou o premio de innovación educativa en normalización lingüística que outorga a Consellería de Cultura. A iniciativa organizada polo equipo de dinamización lingüística en colaboración co departamento de lingua galega busca achegar aos rapaces ao idioma autóctono.

O obxectivo é acadar unha mellor conciencia lingüística a través de diferentes actividades que levan o galego a situacións e espazos no que os rapaces non están acostumados a utilizalo.

Na iniciativa participou todo o alumnado do centro, ademais de contar coa colaboración de máis de corenta profesores do recinto formativo.

Para levar o proxecto a cabo, o instituto dispuxo da axuda económica da concellería de Cultura da Pobra, do centro comercial aberto O Deán e dos supermercados Eroski Center e Gadis.

Este é o segundo galardón que consegue o centro neste curso, xa que xa acadou un premio da Fundación Barrié polo proxecto Unha lingua chea de palabras. Dende a comunidade educativa destacan o bo facer do instituto nos últimos anos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos

O instituto da Pobra logra o premio á innovación polo traballo «21 días co galego»