Mariña Pérez Rei e Antonio Piñeiro presentan en Ribeira a súa obra colaborativa «Estaleiro»
BARBANZA
Trátase duna edición limitada para bibliófilos mecanografada e intervida manualmente cuxo proceso de creación se estendeu entre o 2025 e o 2026
03 oct 2026 . Actualizado a las 20:04 h.O Liceo Marítimo de Ribeira acolleu este sábado a presentación do libro de artista Estaleiro, un proxecto froito da colaboración entre os creadores Mariña Pérez Rei e Antonio Piñeiro. O acto desenvolveuse ante a audiencia da sociedade e contou coa participación da concelleira de Cultura, Ana Barreiro, e do presidente da entidade anfitriona, Xosé Pérez Pijuan. A publicación, concibida para bibliófilos e coleccionistas, xurdiu ao abeiro do espazo cultural do propia entidade ribeirense. O proceso de elaboración da obra iniciouse no ano 2025, concluíu no 2026 e culmina agora coa súa posta de longo ante o público.
Estaleiro fusa poesía e pintura orixinais nun formato de capa ríxida que foi intervida de xeito manual, o que garante que non existan dous volumes idénticos. Esta condición de peza singular esténdese tamén ao interior do volume, xa que o corpo do texto foi mecanografado páxina por páxina, alén de ser montado, cosido e rematado artesanalmente. Así mesmo, todas as intervencións pictóricas integradas no volume son creacións orixinais e non reproducións impresas.
No decurso da sesión, fíxoselle entrega á concelleira Ana Barreiro dun volume destinado a enriquecer os fondos bibliográficos do Concello de Ribeira. Dende a institución marítima salientaron a importancia da colaboración municipal, cuxo apoio resulta fundamental para o desenvolvemento habitual das súas iniciativas culturais e asociativas.