As rúas pobrenses serán o escenario dunha xincana infantil que comezará o 14 de maio ás 17.30 horas
04 may 2022 . Actualizado a las 05:00 h.O legado do escritor ourensán Florencio Delgado Gurriarán estará moi presente na programación do Maio das Letras da Pobra. Os estudantes do instituto vivirán este mes literario os días 9 e 10 cun xogo de escape que se focaliza nunha recreación do dormitorio do autor. Para encontrar a saída, deberán descubrir documentos transcendentes na literatura de Galicia.
As rúas pobrenses serán o escenario dunha xincana infantil que comezará o 14 de maio ás 17.30 horas. O Cantón da Leña acollerá a actividade do día 16, que consiste nun obradoiro de pintura baseado en Delgado Gurriarán e na lectura dun contacontos. Na biblioteca municipal tamén se explicará unha nova historia para os cativos o 19 de maio ás 18.00 horas.
A homenaxe ao escritor galego prosigue o día 17 de maio, ás 12.30 horas, cunha exposición nos Xardíns de Valle-Inclán, e coa lectura de poemas por parte de Eiradela e cos acordes de Caraveiros, Trécola e Xiada.
A música tamén será protagonista o día 15, ás 19.30 horas, da man da Agrupación Caramiñas e As letras, mentres que o 21 será o concerto coral de Abrente Cantos de aquí e acolá.
Tamén se poderán coñecer as mellores obras dos Premios de Literatura Infantil Carlos Mosteiro, coa presentación do seu ganador, Xosé Antonio Neira Cruz, o día 20 no auditorio Valle-Inclán. O autor de Luces de bohemia protagonizará unha exposición de carteis no museo que leva o seu nome o 18 de maio.