Chus Iglesias, presidenta de la Escudería Ría de Arousa: «Hai ganas de que o rali veña a Ribeira»

Álvaro Sevilla Gómez
S. Gómez RIBEIRA / LA VOZ

BARBANZA

CARMELA QUEIJEIRO

Debutará este ano como organizadora da cita de Santa Uxía, que será en novembro

31 may 2021 . Actualizado a las 05:00 h.

Chus Iglesias Fernández (Noia, 1985) recoñece que o esforzo de todo un ano de traballo escapase nun só fin de semana de rali. Pero así é a vida dos amantes do automobilismo, e a ela ese mundo pegoulle moi forte. Agora tócalle a tarefa de dar vida ao Rali de Ribeira-Ría de Arousa. Cousa nada sinxela. Se xa é difícil poñer en marcha un que vén de atrás, facelo dende cero semella aínda máis complicado. Pero ela vai con todo.

-Como naceu o Rali de Ribeira-Ría de Arousa?

-Xa se levaba uns anos atrás estudando a posibilidade de facer unha proba en Ribeira, incluso se tratara de organizar uns tramos. Desta volta o Concello ofreceuse a botar unha man cunha colaboración bastante grande. E dixemos, pois para adiante.

-E como acabou de presidenta?

-Estiven antes en outra escudaría e sabían que podía facer as xestións que se precisan para organizar a proba. Ofrecéronmo e acepteino sen problema.