Clara Pino, Mónica Soto e Ana Iglesias coñeceron á poeta na facultade
12 may 2021 . Actualizado a las 19:28 h.Clara Pino, Mónica Soto e Ana Iglesias coñeceron a Xela Arias cando esta decidiu estudar Filoloxía Hispánica. Fixéronse amigas, e agora, o ano no que se lle dedica o Día das Letras Galegas á escritora de Sarria, as tres mulleres amosan «á persoa tras a poeta», comenta Pino. De feito, a charla que impartiron no IES da Pobra levaba por nome Xela, coma ti e coma min.
Debido ás medidas anticovid, ao acto só asistiron os alumnos de primeiro de bacharelato: «Os estudantes responderon de marabilla», comentou Clara Pino, que, ademais, é mestra no instituto pobrense. «Xa levamos varias conferencias e decatámonos de que é unha poeta moi próxima, moderna, do noso tempo, a pesar de falecer no 2003. Por iso aos rapaces chamoulle a atención», sinalou. Tamén quixo destacar a «alumnado marabilloso que temos na Pobra, que tivo un comportamento exemplar»