Manuel López recolleu o Premio de Poesía de Carral

O noiés acadou o premio coa súa obra «Nas pulsacións»


Nas pulsacións é o título da obra que este ano se fixo co Premio de Poesía Concello de Carral, e que está asinada polo escritor noiés Manuel López Rodríguez, que esta fin de semana viaxou ata o municipio coruñés para recoller o galardón. O xurado valorou especialmente este traballo porque «amosa un discurso sólido e inspirado, cunha gran riqueza léxica e con interesantes descubrimentos estilísticos». Ademais do autor, no acto estivo presente o alcalde do municipio, Javier Gestal, o director xeral de Políticas Culturais da Xunta, Anxo Lorenzo, e o responsable de Edicións Espiral Maior, Fernán Vello. Tamén se aproveitou para presentar a obra finalista do certame do ano pasado, En luz escrita, de Xurxo Alonso, quen asinou exemplares a varios dos asistentes.

Pola súa banda, o noiés Manuel López Rodríguez ten publicado o libro Antítese nativa e colabora en múltiples revistas e publicacións. Ademais, nos últimos anos gañou varios premios de poesía, como o Suso Vaamonde, o Eduardo Pondal ou o López Ardeiro, entre outros.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Manuel López recolleu o Premio de Poesía de Carral