Os nacionalistas propoñen o arranxo do firme en diversos puntos, como os paseos do Freixo, Requeixo, Albán e A Serra
06 dic 2019 . Actualizado a las 05:00 h.O BNG de Outes presentou onte a súa proposta para investir o POS do 2020. A portavoz dos nacionalistas, María Xosé Suárez, explicou que as obras comprenden catro plans de actuación, enmarcados na recuperación dos espazos públicos, o incremento da seguridade viaria, a mellora dos equipamentos deportivos e a creación de novas infraestruturas para infancia e a xuventude.
Os nacionalistas propoñen o arranxo do firme en diversos puntos, como os paseos do Freixo, Requeixo, Albán e A Serra. Tamén apostan pola creación dun parque infantil cuberto e unha pista de monopatín.
As propostas inclúen o aumento da seguridade viaria mediante a creación de diversas sendas peonís. En materia deportiva indican a necesidade de reparar a cuberta do polideportivo e de adecuar as instalacións do club de piragüismo Taxamar.
O BNG apunta que nas melloras que se propoñan no pleno, só apoiará as obras que impliquen unha actuación integral.