Manu Roque: «Este proxecto xa era unha aposta sobre seguro»

Despois de destacar ao cargo da canteira noiesa e duns xuvenís que a pasada tempada gañaron a Copa do Sar, este ano lidera o proxecto para reforzar ao Lesende


Ribeira / La Voz

Juan Manuel Díaz Mayo, máis coñecido como Manu Roque (Tal, Muros, 1976), está ás rendas dun Lesende que loita pola cabeza da Segunda Galicia empatado a puntos co Taragoña. Despois de destacar ao cargo da canteira noiesa e duns xuvenís que a pasada tempada gañaron a Copa do Sar, este ano lidera o proxecto para reforzar ao tamén filial noiés.

-Como valora o arranque do Lesende nesta tempada?

-Este proxecto xa era unha aposta sobre seguro, sabía que íamos estar cómodos. Antes de chegar tiña moi boas referencias dun equipo competitivo, grazas ao espléndido traballo de Albán e de Sil na confección dun conxunto con eses rapaces dos que escasean, comprometidos e con gañas de adestrar. Tiña o camiño andado e coa incorporación dos xuvenís presentouse a oportunidade perfecta de darlle contido ao proxecto. En canto aos resultados, é certo que temos moito que mellorar na casa.

-Queda moita liga, pero están ben situados. Por que loitan?

-O obxectivo que nos propuxemos é o de estar todos a gusto e que, despois, o nivel dos rivais sexa o que nos diga onde temos que acabar. Temos que ser moi humildes e moi cautos, pois gañamos moitos partidos que puideron escapársenos. Nesta liga está todo moi igualado.

-Entón, a quen hai que temer?

-Cando acabe esta primeira volta poderei comentalo con maior seguridade, pero creo que Abanqueiro e Queiruga teñen dous grandes bloques e que Taragoña, Bastavales, Calo e Bertamiráns están chamados a estar arriba.

-Debe ser un privilexio nutrir as filas do CF Noia.

-Con total respecto ao Lesende, esta debe ser a clave, ser ese escano intermedio. Temos futbolistas que poden xogar perfectamente co Noia como Marcos Lado, Lucas, Isi, Sergio ou Xan. Pero, como case todos os equipos, tamén temos o hándicap de ter a algúns xogadores lonxe.

-Que fútbol lle gusta xogar?

-Nesto sempre hai moito debate, penso que son os xogadores os que teñen que estipular a forma de xogo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Manu Roque: «Este proxecto xa era unha aposta sobre seguro»