Burócratas da sotana


Celebrouse a festividade da Virxe do Carme co estoupido de bombas e con nenos, mulleres e homes vestindo as mellores galas. Mentres os gaiteiros interpretan o himno galego, un matrimonio lanza unha coroa ao mar desde o barco que leva á santa, como tributo a tódolos afogados. A parella mira como as flores aboian nun océano tranquilo. O cura entoa a Salve e o comandante do posto da Garda Civil incha o peito e estira o pescozo, os patróns maiores encollen a barriga, o alcalde suspira e o armador chama á tripulación para darlle as instrucións necesarias para cando desembarquen. Na ponte, o patrón rodease de estampas e almanaques da virxe. Rosma algo sobre as misas e a igrexa «aínda -di- que algo hai». Homes barbados con experiencias durísimas no mar, descridos dunha relixión na que foron educados, míranse expulsados dela polo pouco esforzo e interese dos seus sumos sacerdotes.

Fai poucas datas, no falecemento dun coñecido home de mar ribeirense, convocaron o enterro un domingo ás 10.30 no cemiterio de Castiñeiras e o funeral para o martes ás 20.30 horas, provocando un despiste xeral da veciñanza, privándoa de acompañar á familia e despedir ó finado. O cura, en modo casual wear oficia debaixo dun intenso solleiro, ó tempo que os vellos mariñeiros laiábanse da hora para acompañar na última viaxe a un dos seus. Todos agardan que a Virxe do Carme acolla a Xosé con mellores honras que as oficiadas por un burócrata da sotana. E o fará porque sómente ela conta coa xenerosidade que a súa propia congregación na terra lle nega aos seus acólitos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
8 votos
Tags
Comentarios

Burócratas da sotana