1. O seu mellor momento para a lectura. Pola tarde, e se é posible, ao carón do mar, nun lugar tranquilo.
2. Criterios que segue para a escolla dun libro. Algúns coñecementos sobre a madurez emocional nas miñas inquedanzas, tamén depende do tempo. Escollo relatos curtos.
3. Que che achega a lectura? A liberdade de voar co pensamento dos autores deixándome emocionar e conmover con outros ollos, onde eu non podo chegar.
4. Os seus libros favoritos. Teño moitos. Por mencionar algúns: Contos, de Oscar Wilde; Cometas en el cielo, Dónde el corazón te lleve…
5. Un xénero literario. A oratoria.
6. Un personaxe e un espazo literario. Balbino. Un rapaz da aldea. Compostela.
7. Que está a ler agora? La vida son dos días, entonces bésame, de Roberto Emanuelli.
8. Un autor en galego e outro noutra lingua. Xerardo AgraFoxo e Susanna Tamaro.
9. Que actividades, amais da lectura, ocupan o seu lecer? Sendeirismo, antropoloxía social, baile e idiomas.
10. Unha paisaxe no Barbanza digna de libro. O castro de Baroña, un lugar máxico.