As últimas obras de Manuel Rivas, Domingo Villar e Xabier Quiroga dominan a escena da terra
23 abr 2019 . Actualizado a las 05:00 h.A literatura galega está a mostrar síntomas de recuperación grazas a unha serie de autores que están de moda por méritos propios. O último traballo de Manuel Rivas, Vivir sen permiso, exemplifica á perfección o novo espertar do interese polas verbas na lingua de Rosalía. Este título contén tres historias distintas, pero que teñen como denominador común a mostra da condición humana situada no límite e están salpicadas de narcotráfico, mafia e corrupción empresarial.
Tralo gran éxito internacional de Ollos de auga e A praia dos afogados, esta última que tamén foi levada ao cine, Domingo Villar regresa pisando máis forte que nunca cunha esperada terceira entrega que acabou conformando O último barco. O inspector Leo Caldelas ten un novo misterio que resolver que chega tras un forte temporal, a desaparición dunha estudante de cerámica da Escola de Artes e Oficios.
Ficción e realidade
Xabier Quiroga completa este trío de ases da escrita galega con O cabo do mundo, unha mestura entre ficción e realidade que trata de responder á pregunta dun enfermo terminal: «Que farías se non che quedase nada de vida?».
Trátase dunha investigación dun profesor no seu ocaso que acabará dando, incluso, con segredos da Guerra Civil española.