«Os axentes sociais debemos cooperar para acabar co paro»


Entre as competencias de Ovidio Rodeiro hai unha importante listaxe de investimentos que non se traducen en obras e que non se ven, pero que son especialmente relevantes no eido económico, como a posta en marcha de talleres de emprego xuvenís ou para persoas desempregadas.

-¿Cal é a folla de ruta para facer fronte á taxa de paro?

-Todos os axentes sociais debemos cooperar para reducir o paro. En materia de política de emprego hai que poñer en marcha instrumentos e liñas de cooperación cos axuntamentos como os seis obradoiros nos que participan todos os concellos da comarca e polos que se está a formar a 108 persoas, cun investimento de máis de 1,4 millóns. Estes veciños están traballando, recibindo un soldo, cotizando á seguridade social e, en definitiva, mellorando o seu currículo. A isto hai que sumarlle os 872.000 euros cos que se financian os 24 cursos para desempregados dos que se benefician 360 parados.

-Fixar poboación en zonas rurais é importante para a economía.

-Neste ámbito estanse a poñer ao día tres estradas da zona cun investimento de 350.000 euros, a AC-305, a AC-550 e a AC-553 que repercuten a Noia, Rianxo e Boiro. Hai que recordar que Galicia é das poucas comunidades autónomas que ten un programa para apoiar as infraestruturas básicas das zonas rurais, que son os camiños. Na comarca estanse a destinar 543.000 euros anuais a pistas de titularidade municipal, para que cada Concello estableza as prioridades. Tamén se están dando axudas á contratación na zona cunha partida de 600.000 euros.

-¿Cal será a pegada que deixará en Barbanza o Fondo de Compensación Ambiental?

-Nesta comarca, este ano deixará un total de 766.000 euros. Mais non só iso, pois a través doutro programa, o Fondo de Cooperación Local, esta zona recibirá unha inxección económica de 4,8 millóns de euros.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

«Os axentes sociais debemos cooperar para acabar co paro»