Emilio Louro: «Os recursos que hai son suficientes para vivir aquí e para vivir ben»


Ribeira / La Voz

No mundo do mar, Emilio Louro é sobradamente coñecido polo seu traballo na confraría de Lira e como membro de Lonxanet, pero o pasado verán decidiu abandonar a súa zona de confort para optar á alcaldía de Carnota.

-Vostede é un home de mar, ¿como foi o seu salto á política?

-Sempre tiven inquietudes con respecto á vida política municipal e esta vez os compañeiros animáronme a participar no proxecto do BNG como candidato. O apoio da asemblea local foi espectacular, así que estou moi satisfeito, agradecido e responsabilizado pola importancia da tarefa que queda por diante.

-Toma o relevo de Ramón Noceda, alcalde con maioría absoluta, ¿cre que iso pode ser unha vantaxe?

-Creo que nunhas eleccións nunca partes con vantaxe. É certo que hai unha bagaxe importante da labor do goberno municipal e do alcalde, que tivo unha tarefa difícil. Colleu o Concello nunha situación económica complicada e nun contexto de crise que non permitía facer investimentos, e aínda así logrou reducir a débeda e fóronse facendo cousas e prestando servizos nun tempo bastante complicado.

-BNG, PP e PSOE presentarán caras novas no seu cartel electoral, ¿engade iso incerteza á cita electoral de maio?

-O escenario electoral sempre está aberto, e é certo que o feito de que todos sexamos caras novas inflúe, pero detrás de cada candidato hai un equipo, non se trata só dunha persoa, isto é traballo de toda a militancia. O que hai que facer é explicar ben o proxecto que temos para Carnota e conseguir ilusionar á xente. Pola miña parte vai haber traballo e compromiso desde o minuto cero.

-¿Cales son os principais piares dese proxecto?

-Unha das premisas claras é presentar un proxecto que permita crer que é posible vivir en Carnota. Hai un claro declive demográfico e o que queremos é xerar a ilusión para apostar por Carnota e que a xente retorne, os recursos que hai son suficientes para vivir aquí e para vivir ben.

Louro contará no seu equipo con integrantes do actual goberno de Carnota.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Comentarios

Emilio Louro: «Os recursos que hai son suficientes para vivir aquí e para vivir ben»