José Mariano Lago: «Os mariñeiros comprometéronse a vender na lonxa para evitar o peche»

Liquidar a débeda contraída antes da súa chegada á dirección é unha das maiores preocupacións


Ribeira / La Voz

Ten unha longa traxectoria no mundo do mar, pero ata hai catro anos nunca pensara en tomar as rendas da entidade. José Mariano Lago Louro asegura que a súa prioridade é sacar adiante a confraría e destaca a implicación de tódolos socios.

-A confraría atravesou por momentos moi difíciles. Como está agora a situación?

-Coas vendas que temos agora e coas axudas que chegan da Xunta e da Deputación, dános para subsistir. O problema que temos é a débeda que arrastramos do período anterior. Cando eu asumín o cargo no 2014 había 180.000 euros pendentes de pago, unha cifra que logramos rebaixar ata os 75.000 euros actuais. Eu agardo que acabará de saldarse nos vindeiros catro anos. Foi unha situación dura porque a confraría corría o risco de pechar, porque non había produto para vender e os compradores deixaron de vir.

-Como conseguiron darlle a volta á situación?

-Os mariñeiros comprometéronse a vender na lonxa para evitar o peche. Eles implicáronse para sacar a flote a entidade. Sen o seu apoio non fariamos nada. Anteriormente deixaran de traer os seus produtos á rula, pero agora volven facelo. Tamén temos a un grupo de mulleres que se encargan de procesar as capturas de Polbo de Lonxa para a empresa Pulponor, que o distribúe por toda España. Ese labor tamén reporta uns ingresos á entidade.

-Pensaron en diversificar as vendas, en ampliar a oferta?

-A maioría das embarcacións de Lira dedícanse á captura de polbo. O bo prezo que está a ter é unha axuda moi grande, porque permítenos ter ingresos. Non obstante este ano, por vez primeira que eu recorde na historia da lonxa, empezouse a vender peixe. Ata agora tiñamos percebe, nécora, pero sumamos robaliza, maragota, raia. En definitiva, peixe da frota que vai cos aparellos. Ofertábaselles aos compradores e a verdade é que logramos prezos moi bos. Agora, cando comece a campaña da centola, tamén se comercializará aquí. Ata o ano pasado, os mariñeiros desprazábanse ata Muros.

-Hai posibilidade de ampliar o procesado de produtos, como se fai co polbo?

-Precisamente, hai un establecemento que compra na lonxa e que tamén comercializa produtos por Internet. Falounos da posibilidade de que procesásemos o que distribúe, como o chopo ou o polbo. Nós non temos ningún problema, todo o contrario. Ademais, podería entrar a traballar máis xente e iso derivaría en máis ingresos para o pósito. Eu considero que todo isto repercute en beneficio da entidade, pero tamén axuda a todo o municipio de Carnota.

«O turismo mariñeiro podería retomarse»

No seu momento, Lira foi unha confraría pioneira en moitos aspectos, como na posta en marcha dun proxecto de turismo mariñeiro. Ata a entidade mesmo se achegaron canles xaponesas para facer reportaxes dos mariñeiros que levaban veraneantes nos seus barcos para que viran como se traballaba. Non obstante, José Mariano Lago Louro indica que cando empezaron a escasear as axudas das Administracións comezaron os problemas.

-A entidade de Lira foi un exemplo a seguir durante moito tempo, pensaron en recuperar algunha das iniciativas que a fixeron famosa en todo o mundo?

Seguir leyendo

A mellora das carencias que ten a rula é unha das demandas

Unha das demandas da confraría de Lira aos responsables da Consellería do Mar é a mellora das carencias que ten a rula. O patrón maior explica que a estrutura da cuberta amosa indicios de corrosión e considera que debe arranxarse antes de que os problemas vaian en aumento.

Ao mesmo tempo, o dirixente da entidade explica que a propia construción precisa dalgúns retoques. Mariano Lago Louro comenta que o edificio non ten demasiados anos, sobre dez, pero cre que o problema pode radicar nos materiais empregados.

Polo que atinxe a outras necesidades do peirao, Lago Louro indicou que sempre que xorde algunha necesidade transmítenlla á Administración e que, polo momento, sempre recibiron unha resposta axeitada.

Seguir leyendo

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

José Mariano Lago: «Os mariñeiros comprometéronse a vender na lonxa para evitar o peche»