Axeitos ingresaba na Real Academia Galega

La Voz

BARBANZA

No disponible

Rianxo volvía a ter representación na institución 21 anos despois da morte de Rafael Dieste

30 oct 2018 . Actualizado a las 05:00 h.

Tal día coma hoxe do 2004, 21 anos despois da morte de Rafael Dieste, Rianxo volvía a ter representación na Real Academia Galega. Xosé Luís Axeitos ingresaba na institución no transcurso dun acto que tiña lugar na casa consistorial primeiro e no pazo do Viturro, en Rianxiño, despois. Ata a vila desprazábase o entón presidente da RAG, Xosé Ramón Barreiro.

Un dos momentos máis emotivos da xornadas vivíase cando o rexedor local daquela, Pedro Piñeiro, lle impoñía a Axeitos a enxeña de ouro do Concello. Así o decidira a corporación local días antes, tendo en conta a traxectoria do escritor, tanto a súa cátedra en Lingua e Literatura Galega como as publicacións que sacara á luz e a participación nun feixe de congresos. Honestidade, integridade, compromiso e xenerosidade eran algúns dos cualificativos que figuraban no acordo plenario.

Xesús Alonso Montero foi o encargado de darlle a benvida á Real Academia Galega ao intelectual de Rianxo.