Manuel Ángel Pena: «Temos que gañar, pero non vale de calquera forma»

Tralos vaivéns deste verán, recoñece que o seu obxectivo pasa por inculcar unha idea no vestiario e acadar a salvación


Manuel Ángel Pena (Ribeira, 1978) non precisa presentacións no fútbol barbancés. O mítico xogador ribeirense exerce agora como técnico do CD Boiro xuvenil. Tralos vaivéns deste verán, recoñece que o seu obxectivo pasa por inculcar unha idea no vestiario e acadar a salvación.

-Logo duns meses tan incertos, ¿que meta se marca esta tempada?

-Houbo problemas no club e incluso non tiña clara a miña continuidade. Cando a situación se estabilizou foi complicado confeccionar un equipo. Contábamos con 12 xogadores de terceiro ano e ao final só quedaron tres. Iso faiche variar as metas e actualmente non temos outra que manter a categoría. Queremos implantar unha proposta, pero, a pesar de que hai calidade, é difícil.

-¿Que Boiro quere que se vexa?

-Dende que dirixo equipos sempre quixen que mandasen a través do balón e iso custa un tempo de adaptación.

-Canto máis arriscas máis confianza fai falla.

-A confianza é fundamental. Hai rapaces que veñen doutros clubs e están acostumados a outras propostas nas que se complicaban menos. Teñen máis dúbidas co balón. Precisamos unha boa racha. Temos que gañar, pero non me vale de calquera forma. O primeiro é adaptarnos ao que desexamos facer. Ademais, a liga é moi física e dura.

-Tampouco tiveron demasiada sorte coas lesións.

-Esta semana teremos oito lesionados. Ata o de agora non puidemos adestrar cun número de xente suficiente para poder incidir en certos aspectos tácticos. A maiores contamos con dous xogadores que se mancaron o cruzado e non estarán de volta ata dentro de un ou dous meses. Ambos son dos que lle darían un salto de calidade ao resto do conxunto.

-Valorando a xuventude do proxecto, ¿que futuro lle ve?

-Se nos mantemos e o bloque segue podemos comezar a mirar cara retos maiores.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Manuel Ángel Pena: «Temos que gañar, pero non vale de calquera forma»