Ezequiel Mosquera: «A Nocturna de Noia ten tódolos alicientes»

O exciclista considera que a carreira conta co potencial suficiente para chegar nun futuro aos mil participantes


Ezequiel Mosquera (Teo, 1975) exerce de director deportivo da Carreira Pedestre Popular de Noia, A Nocturna. Con centos de probas ás súas costas, considera que a cita barbancesa pode facerse forte no calendario galego se aproveita o seu potencial.

-¿Como ve a proba?

-É unha carreira que tradicionalmente xa tiña moi boa aceptación. É importante que os impulsores crean nela, porque é dunha competición moi boa á que se lle debe dar recorrido.

-¿A que se refire con boa?

-É nocturna, ten un recorrido polo casco urbano moi atractivo e conta con moito público. A praza está ateigada de xente ese día, hai un ambiente que non é sinxelo de atopar en moitas competicións.

-¿Que lle falta entón para dar un salto de calidade?

-Organizar unha cita de estas características non é fácil, nin para os concellos, nin para os clubs que están detrás. Leva tempo. Nós, con Emesports, intentaremos facilitar e engraxar ese esforzo, pero está claro que deben apostar todos, tanto economicamente como en equipo humano e en voluntarios.

-¿Onde está o teito da proba?

-Eu creo que a meta está nos mil participantes, pero non é un obxectivo para este ano. Hai que ir sentando as bases e nun futuro superarase facilmente esa barreira. Fai falla máis tempo, non se pode facer todo á mesma vez. Nun deporte tan de moda como o running, con tanta competencia e tendo unha carreira tan ben valorada hai que aproveitalo.

-¿Que medidas se deberían tomar? ¿Aumentar os premios?

-Os premios atraen a corredores de maior calidade, pero ao final son para dez deportistas. Para atraer a mil fai falla un percorrido suxerinte como é o caso. A proba ten tódolos alicientes, pero fai falla promoción, promoción e máis promoción.

-¿Virá algún corredor consagrado nesta edición?

-Os mellores esperan ata a última hora para apuntarse. Estúdanse entre eles. Lolo Penas, por exemplo, xa está inscrito. Nesta proba sempre houbo grandes deportistas e creo que volverán.

-¿Teñen prevista algunha novidade nesta edición?

-Imos facer un directo cunha pantalla xigante na Alameda. Sempre se xunta público e queremos corresponderlle. Ademais teremos un grupo, Caras B, para que, unha vez remate a entrega de premios, faga unha actuación en directo. Queremos facer unha festa do running, darlle ese cariz de, ademais da carreira, festa do deporte.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Ezequiel Mosquera: «A Nocturna de Noia ten tódolos alicientes»