O Bloque lembrará ao veciño de Escarabote Xosé Maceiras no acto do Día da Galiza Mártir

O escenario seleccionado este ano pola formación Boiro Novo será o lugar de Ponte Goiáns


Ribeira / la voz

O veciño de Escarabote Xosé Maceiras Vilasó, que foi represaliado durante a ditadura franquista e que morreu á idade de 21 anos, será a persoa lembrada este ano polo BNG de Boiro no tradicional acto que a formación leva a cabo en Cimadevila con motivo do Día da Galiza Mártir. Será hoxe a partir das 20.30 horas.

O concelleiro nacionalista Carlos Branco Ansoar e Xosé Deira, xunto a outros integrantes da formación, foron os encargados de adiantar onte algúns datos sobre Xosé Maceiras Vilasó, ao que non se lle coñecía ningunha afiliación política cando o réxime franquista rematou coa súa vida.

O Día da Galiza Mártir, como indicou Xosé Deira, comezouse a celebrar en Bos Aires e Montevideo no ano 1942, pero en España non foi posible facelo ata que se restableceron os dereitos democráticos.

Durante o acto estarán presentes, entre outros familiares, un irmán de Xosé que na actualidade ten 95 anos. Na homenaxe lembrarase que foi acusado de ter ameazado cunha pistola a un veciño para levarlle o millo, algo que non era certo. Sen embargo, xunto con outras persoas, foi levado ao cárcere de Santiago de Compostela e xulgado por delitos considerados de rebelión militar.

Outra cita en Ponte Goiáns

Pola súa banda, Boiro Novo tamén levará a cabo un acto para conmemorar o Día da Galiza Mártir. Neste caso terá lugar mañá ás 19.30 horas.

A formación política contará coa presenza do membro e expresidente da Real Academia Galega Xosé Méndez Ferrín. Tamén intervirán Manolo González, integrante da Comisión pola Recuperación da Memoria Histórica, e a concelleira Dores Torrado.

Dende o partido indicaron que se escolleu como emprazamento o lugar de Ponte Goiáns co propósito de esixir ao Concello o cumprimento da lei da memoria histórica e eliminar a totalidade dos símbolos franquistas que aínda quedan. Torrado indicou que na fonte aínda persiste un.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

O Bloque lembrará ao veciño de Escarabote Xosé Maceiras no acto do Día da Galiza Mártir