A festa da literatura chega a Rianxo con doce postos e oito presentacións

Xesús Redondo Abuín, Helana Villar Janeiro, Ricardo Losada, Maite Mosconi, Xosé Duncán, Xesús Rábade, Amanda Seibiel e Manuel Marigaia darán a coñecer as súas novas obras

.

Desde mañá ata o domingo • Praza Castelao (Rianxo) • De 12.00 a 14.00 e entre as 18.30 e as 22.30 horas • Hai unhas semanas celebrouse en Ribeira e mañá, a Feira do Libro desembarcará en Rianxo. Unha ducia de librarías -entre as que se atopan as barbancesas Ler, Cándido, Arigató, A de Rosa e Ben- instalarán os seus postos na praza Castelao. Ao redor deste epicentro desenvolverase un amplo programa de actividades lúdicas e culturais, entre as que se atopan oito presentacións literarias.

Aproveitarán para dar a coñecer os seus últimos traballos Xesús Redondo (autor de Alentos e desalentos dun de tantos), Helena Villar Janeiro (Amor por catro), Xesús Rábade Paredes (Memoria do corpo), José Ricardo Losada (Manuel Antonio. Vida e misterio dun poeta galego), Maite Mosconi (Gaedheal), Xosé Duncan (As lembranzas perdidas no lago Antelväri), Manuel Marigaia (Galeguia) e Amanda Seibiel (Solo quiero morir a tu lado).

O mago Antón tamén desembarcará en Rianxo con motivo da Feira do Libro. Ofrecerá cinco pases cada xornada, entre as 13.30 e as 21.00 horas.

Arranque con Callón

O escritor ribeirense Carlos Callón será mañá o encargado de darlle a saída a esta nova cita literaria. Intervirá ás 12.30 horas.

Os nenos terán o seu oco na feira. Especialmente para eles foron programadas actividades como a obra Cardume, coa compañía Xaropoetulú (venres, 12.00 horas), un obradoiro de ilustración con Sara Cruz (sábado, 19.00) ou o concerto de Magín e a Banda das Apertas (sábado, 21.00 horas).

A esta cita musical engadiránselle outras: un festival internacional de danza (venres, 22.30), o concerto do grupo folk Son de Seu (sábado, 22.30) ou a actuación co Coro Saint Luc de Banabakintú (domingo, 13.00).

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

A festa da literatura chega a Rianxo con doce postos e oito presentacións