Colofón literario cunha homenaxe a Plácido Betanzos

Está previsto que interveñan Xesús Laíño, José Alberto Fernández Rodera e Manuel Ruiz Rivas


Hoxe • Praza do Concello de Ribeira • De 12.00 a 14.00 e entre as 18.00 e as 22.00 horas • A Feira do Libro que arrancou o xoves en Ribeira chega ao seu fin cun acto de lembranza a Plácido Betanzos. Están previstas as intervencións de dous amigos do escritor recentemente falecido: Xesús Laíño, mestre no IES Leliadoura e directivo de Barbantia, e José Alberto Fernández Rodera, maxistrado da Audiencia Nacional. Ao acto tamén se sumará o rexedor local, Manuel Ruiz Rivas. Os asistentes recibirán un exemplar de Paravea do inferno, obra escrita polo autor homenaxeado.

Nesta última xornada da feira tamén haberá outras tres actividades: unha charla ao redor do libro O valor das palabras, elaborado pola Asociación contra as Enfermidade Neuromusculares (13.00 horas); a presentación de Camiños, de Magín Blanco (19.00); e a intervención de Silvia Salgado, que falará da súa obra La aldea de Silvia Salgado.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Colofón literario cunha homenaxe a Plácido Betanzos