Váiase Núñez


Sempre agrada que haxa alguén que coincida cos teus postulados. Tal é o caso da nova ministra de Defensa, Margarita Robles, que puxo de manifesto, con referencia a Cataluña, que as forzas armadas de terra, mar e aire teñen a obriga da garantir a soberanía e independencia de España, defender a súa integridade territorial e o ordenamento constitucional (artigo 8º. 1 da CE), tal como reflectín no meu artigo do 29/08/2017, albiscando o que podía acontecer -e aconteceu- o 1 de outubro. Parabéns señora ministra, pero de non cumprir, se é o caso, arrebolareillo nos fociños como vou facer agora cunha galega colega súa.

O derradeiro venres publicou este xornal que o alcalde ribeirense, Manuel Ruiz, aproveitou unha visita da conselleira do Medio Rural, Ángeles Vázquez, para que lle axudase a arranxar o problema da ampliación do polígono de Xarás. Tarde piaches porque a devandita é unha das máis incompetentes compoñentes de tódolos gobernos que houbo en Galicia. Aínda sigo esperando resposta a uns escritos que lle fixen por conta da plataforma da Internet Granxa familiar o 20 do 11 do 2017, reiterados o 5 do 2 do 2018, sen que me tivese contestado, con despótica vulneración da Lei Orgánica 4/2001.

Porque aínda que á conselleira lle pareza un tema menor, non é menos certo que son as pequenas explotacións familiares as que aínda manteñen algo de poboación no medio rural. Agora ben, se o que preocupa é recadar dos que non poden pagar, entón entendemos algunhas das malpocadas políticas da Xunta. Case mellor que Núñez Feijóo marchase a onde aínda non o coñecen. Cousas propias do PP.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Váiase Núñez